Catorce persoas percorreron 140 kms a principios de maio por unha senda que transita entre Montenegro, Albania e Kosovo. Durante nove xornadas que oscilaron entre un clima primaveral e a dureza dun inverno aínda latente, conviviron coa xente local, gozaron da súa gastronomía, escoitaron crueles relatos da súa historia bélica recente e coñeceron de primeira man a fermosa paisaxe dunha das rexións do planeta na que máis culturas conviven.