IRMÁNS POU
Eneko (1974) e Iker (1977) conforman a cordada “Los Hermanos Pou”, unha das cordadas de montaña con máis soleira do mundo.
Afeitos a camiñar polo monte cos seus pais dende que deron os primeiros pasos, continuaron coa súa paixón polo monte de xeito entusiasta, ata a súa idade adulta.
Dende o ano 2003 de xeito profesional, pero mantendo sempre intacta a súa motivación por unha actividade que sempre foi o motor da súa vida. Escalando, esquiando ou camiñando, percorreron máis de 60 países, en 120 proxectos e expedicións, e percorreron máis de 1.300.000 metros verticais…
Hoxe están abertamente recoñecidas como unha das mellores cordadas do mundo, unha cordada pioneira que se mantivo fiel á tradición do alpinismo, abrindo rutas por todo o planeta: Dende as cordilleiras máis importantes do mundo (Himalaia, Andes, Alpes, Patagonia, etc…), Incluso as selvas máis perigosas como o Amazonas.
A versatilidade, a dificultade, o estilo e a exploración son as súas señas de identidade, e por iso recibiron numerosos premios tanto dentro como fóra das nosas fronteiras. Ata catro veces foron nominados ao Piolet de Ouro, galardón que só se concede ás mellores actividades de montañismo.
“AUPA POU: UNA VIDA ENCORDADOS”
Baixo este título os Irmáns Pou presentan o seu primeiro libro e unha conferencia que repasará toda a súa traxectoria, centrándose especialmente nos últimos anos da mesma, con expedicións moi interesantes polo Himalaia, os Andes, a Patagonia ou o Amazonas.
Dende a escalada extrema en grandes paredes, ata as vías máis difíciles do mundo na escalada deportiva, os grandes descensos de esquí, ou as expedicións aos lugares máis afastados do planeta, os Pou non deixan de sorprendernos coa súa imaxinación, creatividade e aperturas ao máis alto nivel.
PATROCINAN
